SAME SEX MARRIAGE

 

                  SAME SEX MARRIAGE


     Lumaki tayo sa paniniwala na ang kasal ay isang sagradong pagbubuklod ng dalawang nagmamahalang indibidwal na nagpasyang magsama habang buhay subalit kadalasa’y naipapatupad lamang ito sa magkasalungat na kasarian. Ang lalaki ay para lamang sa babae at ang babae ay para lamang sa lalaki, ito ay ayon din sa Biblia. Marahil ito rin ang isa sa mga rason kung bakit matagal ng hindi pinapatupad ang same sex marriage sa Pilipinas.



     Iba’t iba ang pananaw ng mga tao tungkol sa isyung ito. “Malas, salot, walang silbi” yan ang mga ilang kataga na lagi nating naririning sa tuwing nakakakita tayo nga mga bakla at tomboy sa ating paligid. Subalit sa aking opinyon, kahit kailan hindi naging malas at salot ang mga bakla at tomboy. Marami akong kakilala na matagumpay sa kanilang pamumuhay at maging ang iba ay mga artista. Sila ay nagsisilbing modelo at inspirasyon lalo na sa mga kabataan ngayon. Wala tayong karapatang humusga kung ano man ang nais nilang gawin sa kanilang mga buhay dahil kailanman hindi nila kasalanan ang magpakatoto sa sarili. Subalit marami pa rin ang hindi sumasang-ayon dito. Paano naman ang mga bakla at tomboy? (LGBT Community) Saan sila lulugar? Kung ikaw ang tatanungin, pabor ka ba sa “same sex marriage?” Kung oo, pareho tayo ng sagot. Sapagkat ang lahat ng tao ay may pantay pantay na karapatan, at marapat lamang na bigyan din sila ng pantay pantay na karapatan dahil nagmamahal din sila marapat lamang din na pumili sila kung ano ang nais nilang gawin ang mahalaga ay alam ng bawat isa kung saan sila lulugar.



     Para sa akin pareho man ang kanilang kasarian ay ramdam pa rin nila ang pagmamahal na kukumpleto sa kanilang pagkatao. Ang tanging paraan ay hayaan na lang nating magkaroon sila ng pantay-pantay na pagtrato sa bawat isa. Mamuhay tayo ng matiwasay, maligaya at punung-puno ng pagmamahal, mapababae man o lalake, mapatomboy man o bakla. Wala namang masama kung ipapatupad ang “same sex marriage” dito sa ating bansa, dahil wala namang mawawala. Wag tayong maging madamot at maging bakod sa kasiyahan ng ibang tao , matuto tayong magpahalaga at rumespeto sa nararamdaman nila. Hayaan nating maranasan din nila ang bagay na halos inaasam-asam ng nakakarami ang magkaroon ng sagradong pagmamahalan. Para naman sa mga taong parte ng LGBT wag kayong matatakot na magpakatotoo dahil lamang sa pananaw ng iba walang masama sa pagiging ikaw kung alam mo naman sa sarili mo na wala kang tinatapakan na tao. Ipaglaban niyo lang sa tamang pamamaraan ang inyong karapatan at patunayan sa lipunan na ang katulad niyo ay hindi naging salot kailanman. 


Comments

Post a Comment

Popular posts from this blog

PANANALIKSIK

  New Normal: Ang makabagong sistema ng Edukasyon .           Ang Edukasyon ang susi sa lahat upang mamulat tayo sa kamalayan at madagdagan ang mga impormasyon na kailangan natin malaman. Ito ang yaman na kahit kailan ay di mananakaw ng sinuman. Sa ngayon ang bansa ay kasalukuyang humaharap sa isang mabigat na unos kung saan karamihan sa ating mga galaw at paraan ng pamumuhay ay unti-unting nagbabago. Isa ng magandang halimbawa nito ay ang sistema ng Edukasyon. Anu-ano ang inilunsad ng Kagawaran ng Edukasyon upang makasunod pa din ang mga mag-aaral sa New Normal na tinatawag? Sapat ba ang mga pamamaraan na ito upang mas matuto ang mga mag-aaral? Paano kinakaharap ng mga mag-aaral ngayon ang bagong sistema ng pagkatuto? Ito ba ay nakapagdudulot ng mabuti o masama sa karamihan? Ilan lamang ito sa mga katanungan na dapat bigyan ng kasagutan.          May ibat-ibang pamaraan ang inilunsad ng ...
Read more

AKADEMIKONG SULATIN

   Akademikong Sulatin: Ang katangian at kahalagahan nito.        Ang akademikong sulatin ay isang paraan ng pagsulat kung saan kinapalolooban ito ng mga aralin, kaalaman, at mga impormasyon. Ito rin ay kadalasang ginagawa upang maibahagi ang kaalaman sa iba pang mga magbabasa. Maliban dito, ginagamit din ang akademikong pagsulat para ikwento ang mga bagay na nangyayari sa personal na buhay ng mga tao o di kaya kung ito ay ibinabahagi sa paraang pang-intelektwal o ‘di kaya ay pang-akademiko.        Mayroong tatlong pangunahing uri ang sulating pang-akademiko ngunit aabot sa labindalawa ang listahan nito. Una sa listahan ang tinatawag na abstrak. Ito ay naglalaman ng introduksyon, metodolohiya, resulta, at kongklusyun. Ito naman ay kadalasang ginagamit sa mga sulating pang-akademiko tulad ng thesis o research paper kung saan ang nagsasalita ay dapat may tono na tila ba siya ay mariing naninindigan sa kanyang ...
Read more

PAGPUPULONG

                            Ang Daloy ng Pagpupulong    Mahalaga ang maayos na pagpupulong. Napakaraming magagandang usapin ang pwedeng maisama sa bawat pagpupulong na magagawa ng isang grupo o organisasyon. Ang maayos na komunikasyon ang dahilan kung bakit mas maganda na may mainam na daloy ng pag-uusap ang mga miyembro ng isang grupo. Maliban ditto, kapag may itinakdang oras na upang mapag-usapan ang ibat-ibang mahahalagang paksa, mas makapaglalaan ng panahon ang bawat isa at mas may tyansa ang lahat na making at mapakinggan.     Ayon sa bidyo na pinamagatang “Pagpupulong” ,may sistematikong paraan upang maidaos nang maayos ang pagpupulong. Ipinakita dito na may ibat-ibang paraan upang magawa ito. Ang unang parte ay ang pagbubukas ng pulong. Sinimulan sa isang dasal ang pagbubukas ng pulong dahil simbolo ito ng pagpapahalaga ng grupo sa Poong Maykapal. Samantala, ang pangalawang parte naman ...
Read more